和老媽逛街市

星期六的早上，依時依候醒過來，雖然想多睡一回，但老媽一句：同你去下街市諗下餸啦，我還是乖乖的醒來跟阿媽去街市。

 

在街口碰到一個閒坐的阿伯。老媽：梁生，咁落雨去邊啊？

阿伯：行下LA!

 

去到街市，我就如"蔡瀾逛菜欄"般，看到什麼菜就講出菜色名：

我：芽菜炒瘦肉LA，

老媽：芽菜都吾平呀!

我繼續：蝦醬炒通菜，紅蘿蔔洋蔥瘦肉湯.....E，青瓜....，青瓜大蝦沙律

 

老媽：嘩，發達LOR，大蝦......  (佢的意思話，大蝦好貴，咁識食)

 

在115魚檔：

老媽：Ｅ，有蝦喎!

我：可吾可以黎個茄汁煎蝦碌?

老媽：梗可以架。

魚檔老板：當然可以用笳汁LA，細細隻，仲入味呀！

老媽：佢話點整就點整LA！

魚檔老板：梗係要就下LA，吾通剩係就哂D孫嚰！

老媽：嘻，呷醋好耐LA!

(00，下，有咩?)

魚檔老板：最緊要佢地肯食LA，食剩哂，SIZE哂D野！好似禽晚得我地兩公婆食，阿肥仔又吾食……

老媽：美人照鏡就最好！禽晚D菜好好食，摘埋都係一人一箸，係阿女挾箸比我，如果吾係都好快食哂！

魚檔老板：呢度30元！

老媽：(指著撻沙)呢D係咪頭先個XX事頭婆買架!

魚檔老板：係呀!好靚架!

老媽：程兩條呀!

魚檔老板：37元！

老媽：嘩，100元無哂LA!

魚檔老板：咩無哂呀，買埋菜都得呀！

老媽：係咩？

魚檔老板：37+30，67，仲剩33，買埋二斤菜都有剩呀！

老媽：同我打淨D鱗LA!

 

碰到對面屋榮仔媽：

榮仔媽：嘩，咁好，大小姐出黎幫手！

老媽：梗係要佢睇下LA，等佢食米吾知米貴！

榮仔媽：大小姐放假咩？

老媽：星期六休息呀！

 

扇貝檔：

老媽：喂，買吾買餐食下?(指著聖子)

我：呢D好吾好呀?不過可能貴D(指著扇貝)

老媽：呢隻呀?

 

老媽：點賣呀？

扇貝檔老板：28蚊斤!

老媽：靚吾靚架？

扇貝檔老板：梗係靚LA!

老媽：同我揀幾隻LA!

扇貝檔老板：揀個D突哂出黎的，好似D肥佬咁，個肚腩突哂出黎就靚架LA!

老媽：點整呀?

扇貝檔老板：蒜蓉蒸，想香口D就加豆豉!44元LA!

老媽：幫我劏開佢!

(老板邊開邊說：你睇幾靚，隻隻都咁肥)

老媽拿起聞一聞：喂，點解好似有D臭O既？

扇貝檔老板：咩臭，你問下呢個(指著選青口的AUNT)，你估大陸買野嚰，呃人第二日吾開檔，我地日日開門! 你睇幾靚幾肥!

 

 

黃泥魚檔：

(見到好多人買老媽好少買的黃泥)

老媽：好吾好食?

嬸嬸：好甜。

老媽：我好少買，吾識買。點整架?

魚檔老板：好似d鱔咁，斬開豆豉蒸。

老媽：吾好食拎番出黎你買番喎?　（總係無蝕抵）

魚檔老板(笑笑口)：好，你蝕火水喎！

(又交易左一條)

 

望著老媽跟街坊，檔口老板的閒話及熟諾的關心，盡管言語上不蝕低，但大家都是笑笑口的……….

 

跳跳紥的魚向上一躍，水花四淺，我連忙退後三步，腦中閃出陳奕迅力歇聲嘶的畫面:

 

That’s …………… Just ……… Life………….