余立勤的點解

3歲的小姪兒余立勤回澳，我發現他時常問點解。

 

早上見到阿嫲叫余智潁起床返學，但余智智潁叫極都未醒：

點解家姐仲吾起身o既?

 

六哥當廳長：

點解有個人訓係度o既?

 

我夜回家：

點解你咁夜返o既?

    因為多野做lor!

點解你咁多野做o既?

...................

 

跟二嫂談起他的點解，她就說余立勤的點解問過不停，難以招架：

點解食飯要洗手o既?

    因為隻手污糟lor!

點解隻手污糟o既?

 

 

今日3號風球，揸私家車上班，夜晚加班，回到家差不到已9點了，在家附近兜了三個圈，都未泊到位，於是打電話回家求救，打算找人接力搵位，無奈家中的大哥二哥都吾識揸車，二哥出來陪我，不一會就找到了，我們二人回到家，開門時，余立勤即出來迎接：

 

點解泊吾到位o既?

　　因為無位LOR

點解無位o既?

    因為俾人泊哂LOR

點解俾人泊哂o既?

    因為我夜返LOR

點解你夜返o既?

  因為我多野做LOR

點解你多野做o既?

  因為我做吾哂LOR

點解你做吾哂o既?

........................

 

和他躺在廳上，看向世界世發，周海媚在撒哈拉沙漠騎駱駝。

余立勤：呢個好睇!

我：點解好睇o既? (今次仲吾俾我搵到機會，問番佢轉頭)

余立勤：因為騎駱駝lor

我：點解騎駱駝o既?

余立勤：因為無電單車lor

我：點解無電單車o既?

余立勤：因為好多泥沙

我：點解好多泥沙o既?

余立勤：因為無石頭lor

我：哦，因為無石頭，所以揸吾到電單車?

余立勤：係呀!

 

 

哦，其實，只是我答吾到佢的點解，而佢對我的點解，游刃有餘，一點都不覺得難，想必佢諗緊：

點解呢個姑姐咁蠢o既?