淳淳談天主

快五歲的小淳，一直都在天主教學校成長，晚上睡覺時我著她祈禱，有時她會唸學校早上的祈禱文：「……幫助我地做個好孩子」（通常都會叫我她不要望著她），但有時又會不肯祈禱，我也隨她；抄經時智潁叫我說耶穌的故事，她都會留神聽著。印象中今日是她第一次談天主。

中午，我在吃飯，她坐在我對面。

我唸天主經，著她一起唸，她中間就打斷了我，因為她不懂這經文。之後，我唸聖母經，她很開心的一齊唸；完了，我就大聲說：「感謝天主有這一頓飯，同埋有淳淳陪我一起吃。」（因為中午回到家時只有一個人吃飯的，即使有時她在家，可能已在睡午覺）

她腼腆地衝回房裡。

轉頭她有出來，繼續陪我吃飯，外頭大雨。

她突然講：或者天主落d洪水，沖哂ｄ壞人。

我：下，沖哂d壞人，邊d係壞人？

淳想了想：唔知啊！

我：咁我地係吾係壞人？

淳：唔係，我地係好人！

我：吓，點解我地係好人？

………她又想了想，不懂回答，為一個未夠五歲的小孩來說，如何劃分似乎係難事。

回到天主的話題。

我：我地出左去（街），d洪水咪沖走我地囉，咁天主咪沖埋我地。

淳：天主睇住架嘛，天主識分架啦。

我：咁我地吾出去（街），天主點睇到我地？

淳：有露台架嘛，咁天主就睇住我地。

我：哦，咁我地屋企都無露台！

淳：（指著有天井的廚房）呢度天主就睇住我地。

我：咁嫲嫲呢？天主睇住嫲嫲？（我媽正在房裡睡覺）

淳：有窗，天主睇住囉！

我：咁呢間房無窗喎！（指著另一間房）

淳：（想了一會），有風扇，天主聽到呀！

這刻我真驚訝，小淳理解到聖神如風這個深奧的道理。

又一次體會耶穌喜愛小孩的原因。