上庭趣事
近日工作壓力感越來越重,主因之一就是今天要上庭,之前都有一次,但只到法院門口,最終法官無召我入去,很緊張呀,始終第一次正正式式上庭嘛。
我提早成半個鐘頭到達,先後見到勞資雙方及其證人等,除了我和工人打招呼外,大家都無乜交談,也沒眼神接觸,好沉默。
庭差首先叫哂我地全部人(勞資雙方連我有七個人),講解一下等陣程序:
"你地等陣入黎,記得熄電話,企係呢度(張椅子旁),面向法官,吾好坐低,法官叫你坐才坐,法官問你宣吾宣誓,宣就宣,吾宣就吾宣。"
初哥的我,傻了眼,"乜吾駛講個段野架咩??可以吾駛宣誓都得架??"
我看其他人都無問題,都係提出我的問題啦,免得等陣見到法官失禮就吾好:
"請問你的意思係咪吾可以吾駛宣誓呀?"
庭差答我:"你吾宣誓,點做證人呀?"
"車,咁咪即係要宣LOR!" 我心裡面想 "E, E, E, 我吾宣咪唔駛做證人LOR,係你CALL 我黎之嘛!"
隨後,大家就坐在外邊等被叫名LA。
我都係有問題:"咁個段誓詞點講架??"
不過庭差入左去,我心諗,再問又好似好多事咁...........
如是者,過了個多小時,我那本<妙哉,保祿>都睇左吾少(心裡不知幾緊張呀,好彩帶左本書RELAX下乍),終於叫我入去LA。
"你叫咩名呀?"法官問。
"余寶珠。"
"你願吾願意宣誓呀?"
"願意。"(本能反應的我,想也沒想就答了,那些剛才想的吾願意梗係無出現啦!)
"坐低啦。"
我還未定神,正思考"E,乜吾駛講誓詞架?乜吾駛問你有無宗信仰架咩?"法官已示意檢察官發問,同一時間,我才醒起無關電話(雖然已校了震機,同埋看見庭差每次出來叫人時都會叫佢熄機嘛,點知卻再無提我。)我即刻雞手鴨腳的摷電話關機,那邊廂又要留神檢察官問的問題,真是額一把汗。
嘟嘟嘟,檢察官,資方律師,法官分別提問,就這樣過了十多分鐘,我的表現也不差呀,依書直說,有碗話碗,有碟話碟,連最難答的點計條數出來的計算表事宜我都答到呢(之前一直怕法官罵架,所以好緊張).........
YEAH! THANKS GOD! 問完LA!
有些問題都有深度架,值得我記住下次要注意的。
6月2日宣判這單我經手兩年的案件。
真是一個特別又難忘的經驗。
學姐~好好既經驗bo~不過無事都係少d入呢種地方~
回覆刪除好句...有碗話碗...有碟話碟
回覆刪除